Në një nga hotelet më të mëdha në Prishtinë, Emerald është mbajtur iftar ku është shënuar edhe nata e madhe – e Kadrit.
Në kuadër të këtij iftari, janë realizuar edhe donacione të cilat kapin vlerën prej 5 milionë euro.
Kryetari i organizatës “Jetimat e Ballkanit”, Halil Kastrati ka bërë të ditur se kjo shumë është donacion i bizneseve për projektin e madh – Qendrën ditore për fëmijë dhe të rritur me Down Syndrome.
“Natë e Kadrit – mblidhen rreth 5 milionë euro për ata që kanë më së shumti nevojë!
Mbrëmja e sotme në Emerald ishte një natë e veçantë, një natë zemrash të hapura dhe duarve që japin.
Në iftarin e parë të organizuar nga Shoqata “Jetimat e Ballkanit”, me pjesëmarrjen e bizneseve nga të gjitha trojet shqiptare, u prezantua projekti madhështor, një shpresë e re për ata që kanë nevojë.
Dhe përgjigja ishte e jashtëzakonshme! Me një zemërgjërësi të pashoqe, biznesmenët shqiptarë dhuruan afro 5 milionë euro, duke dëshmuar edhe një herë se mirësia dhe solidariteti janë vlerat që na bashkojnë dhe na bëjnë më të fortë.
Zoti kurre mos i humbte!”, ka njoftuar Kastrati.