Lukaku kërkon falje dhe kthehet te Chelsea, konfirmon Tuchel

Romelu Lukaku ka kërkuar falje dhe do të kthehet në skuadrën e Chelseat për ndeshjen e parë gjysmëfinale të Carabao Cup kundër Tottenham të së mërkurës, ka bërë të ditur Thomas Tuchel.

Lukaku u hoq për barazimin e së dielës në Premier League me Liverpool pas komenteve që ai bëri në një intervistë të regjistruar tre javë më parë.

Dyshja patën një takim “të qetë” të hënën për rikthimin e sulmuesit.

“Ai kërkoi falje dhe është kthyer në skuadër për stërvitjen e sotme. Ne i kemi dhënë kohë për të parë prapa. Për mua, gjëja më e rëndësishme ishte të kuptoja – dhe të kuptoja qartë – nuk ishte e qëllimshme. Ai nuk e bëri këtë qëllimisht për të krijuar një zhurmë të tillë para një loje të madhe”, tha Tuchel, transmeton rtv21.tv

Në një intervistë të regjistruar në dhjetor, nënshkrimi rekord i klubit të Chelseat prej 97.5 milionë funta tha se ai nuk ishte “i kënaqur” me rolin e tij të vogël nën drejtimin e Tuchel dhe se do të dëshironte të kthehej në Inter Milan në të ardhmen e afërt.

Para ndeshjes së së dielës kundër Liverpool-it, Tuchel tha se e kishte lënë jashtë skuadrës 28-vjeçarin për të mbrojtur përgatitjen.

Lukaku ka shënuar shtatë gola në 18 paraqitje që kur u ribashkua me Chelsea nga kampioni italian Inter Milan gushtin e kaluar./21Media