“Luftojmë si luanë”! Mickoski: Politikanë bullgarë janë lajmëruar në Bruksel për raportin

Nëse debati për Raportin përsëri zvarritet, qytetarët të jenë të vetëdijshëm se problemi është për shkak të identitetit, e jo për Bullgarët në Kushtetutë. Ky është vlerësimi i kryeministrit Hristijan Mickoski, i pyetur për seancën e paralajmëruar të Parlamentit Europian. Në këtë seancë duhet të shqyrtohet teksti i raportuesit Tomas Vajc, ku përmendet veçantia e gjuhës dhe identitetit maqedonas. Debati i parë u caktua për më 24 qershor.

“Politikan të lartë nga fqinji ynë lindor u janë lajmëruar politikanëve të lartë në Bruksel – aman-zaman mos e vendosni tani Raportin, po na bëni problem, për shkak se duhet të kalojë euro në Parlament, që të mos na mblidhen më shumë njerëz në rrugë për të protestuar”, tha Mickoski.

Nga ana tjetër eurodeputeti bullgar Andrej Kovaçev thotë se kanë kërkuar që debati të prolongohet që në ndërkohë të përgatitet tekst që do të duaj dinjitetin e PE-së.

“Prolongimi është i saktë për shkak se në kushte më të qeta mund të analizohet se çfarë ka ndodhur dhe teksti të mos ketë paqartësi, të mos na çojë në pasiguri dhe paqartësi për atë se çfarë dëshiron të thotë Parlamenti Europian”, tha Andrej Kovaçev.

Kryeministri thotë se do të vazhdojë të luftojë për pozitat e Maqedonisë.

“Luftojmë, si luanë luftojmë çdoku në botë edhe në Uashington edhe në Bruksel edhe në Londër”. deklaroi Mickoski.

Presidentja Gordana Siljanovska-Davkova para do kohe vlerësoi se nëse Raporti nuk miratohet do të vendoset në pikëpyetje kapaciteti demokratik i PE-së.