Artistja nga Shqipëria, Luar Arani, ka folur për “Me 21-IN”, në Radio21, rreth duetit të saj më të ri me këngëtarin Ermal Fejzullahu.
Bashkëpunimi i paralajmëruar, menjëherë pas publikimit bëri debutimin e tij gjithandej, duke u klikuar mijëra herë në kanalin Youtube.
Luar tha se ky bashkëpunim ka qenë i dëshiruar nga dy palët tashmë shumë kohë.
“Kam shumë miq të huaj që më kanë thënë se ku e kur do shkojmë ta vizitojmë Shqipërinë, ja tani kanë mundësinë të shohin në këtë klip disa nga vendet më të bukura të Shqipërisë. Nuk e di nëse është vënë re, kam vënë edhe emrin “Vjosa” aty. Unë kam dashur të promovoj jo vetëm këngën, por edhe shtetin tim”, ka thënë Luar për “Me 21-IN”.
Ndër tjerash artistja ka treguar se ndjehet shumë mirë kur sheh komentet pozitive, se sa mirë është pritur kënga e dyshes.
Tutje, Luar ka bërë të ditur se ajo po përgatit projekte të reja edhe për tregun vendor edhe atë ndërkombëtarë./21Media