Lloga ka nënshkruar vendimin për mos respektim të emrit të Shoqatës “Car Borisi III” Ohër

Ministri i Drejtësisë Krenar Lloga nënshkroi vendimin për mosrespektim në bazë të mendimit negativ të marrë nga Komisioni për përdorimin e emrave personalë për përdorimin e emrit Mbreti Boris i III-të në titullin e Shoqatës për afirmimin e vlerave kulturore të bullgarëve maqedonas Car Borisi i III Ohër.

“Komisioni për përdorimin e emrave personalë konsideron se emërtimi i mundshëm i shoqatës me një emër të tillë shkakton tensione dhe intolerancë në mbarë shoqërinë maqedonase. Në sqarim, Komisioni thekson se ai është përgjegjës për krimet e kryera gjatë pushtimit bullgar të Maqedonisë në Luftën e Dytë Botërore, gjatë të cilit janë likuiduar qindra qytetarë. Veçanërisht theksohet mendimi se bashkëpunimi dhe aleanca e tij me Rajhun e Tretë dhe politika e theksuar antisemitike janë përgjegjëse më të drejtpërdrejta për dëbimin dhe shfarosjen e mijëra hebrenjve nga Maqedonia në kampin e vdekjes në Treblinka.

Ministria e Drejtësisë vepron në përputhje me dispozitat e Ligjit për Shoqatat dhe Fondacionet, duke marrë parasysh mendimin e Komisionit për emrat personal. Vendimi do t’i dorëzohet Regjistrit qendror të Republikës së Maqedonisë së Veriut për veprime të mëtutjeshme!, qëndron në njoftimin e MD-së, përcjell TV21.