Likova mbytet në tym! Mexhiti premton ndihmë për pastrimin e deponive të egra

Deponia e mbeturinave në Likovë, e cila përhap tym dhe ndotje të vazhdueshme, po shndërrohet në një rrezik serioz për shëndetin e banorëve të Likovës dhe më gjerë. I pyetur për këtë Ministri i Mjedisit Jetësor dhe Planifikimit Hapësinor, Izet Mexhiti tha se pa marrë parasysh se të kujt janë kompetencat, do t’i dalë në ndihmë komunës së Likovës në lidhje me asgjësimin e deponive të egra.

“Pa marrë parasysh ingirencat e kujt janë, do ta ndihmojmë edhe komunën e Likovës, edhe qytetarët e Likovës me deponitë e egra, ndërsa sa i përket deponive rajonale, të cilat kanë qenë të bllokuara, dy kredi, pra njëra është nga BERZH dhe tjetra nga Banka Europiane për Investim, sepse në të kaluarën më me rëndësi e kanë pasur se kush i udhëheq komunat, a janë të partisë së tyre apo jo, për ne janë me rëndësi qytetarët, prandaj ka zhvillim mjaft të madh sa i përket projekteve infrastrukturore, të infrastrukturës nëntokësore nëpërmjet Bankës Europiane për Investim dhe Bankës Evropiane për Investim”, tha Izet Mexhiti, ministër i Mjedisit dhe Planifikimit Hapësinor.

Para disa ditëve banorët u ankuan se ka persona të cilët edhe shpërngulen nga fshati për shkak kësaj deponie.

-A e di çfarë do të thotë 40 gradë. Nuk mund të flejmë, 40 gradë nuk mundemi t’i hapim dritaret se helmohesh. Kemi njerëz me asma, ikin jashtë fshatit, sepse fryma e dërgon erën lartë.

-Komuna e Likovës i jep, nuk i jep tjetër kush. Punëtorët e komunës. Komuna e di komuna për shkak se duhet të sjellin bagerin ta pastrojnë çdo ditë. Ne e kemi parë, ato e hedhin o zotëri i kemi parë me sytë e tonë.

-Komuna e Likovës i hedh atje, por ama për djegien?

99% ato e bëjnë.

-A ndodh shpesh që të digjet t’i vihet flaka kësaj deponie?

Kurr nuk ndalet, 99% e ki të ndezur.

Kryetari i Likovës Erkan Arifi në shtator të vitit të kaluar tha se që në vitin 2018 ka qenë në planë ndërtimi i fabrikës së riciklimit, por se kjo ide u harrua.

Derisa autoritetet të gjejnë zgjidhje, banorët që jehojnë afër do të thithin çdo ditë ajër të ndotur.