Mickoski takon ambasadorin e BE-së, Gir

TË FUNDIT

Kryetari i VMRO-DPMNE-së Hristijan Mickoski, sot së bashku me nënkryetarin Aleksandar Nikolloski u takuan me përfaqësuesin e BE-së në Maqedoni, ambasadorin Dejvid Gir.

“Takimi u përqendrua në situatën aktuale politike në Maqedoni, si dhe në veton e Bullgarisë, e cila krijoi një pengesë në rrugën tonë për në BE. Mickoski theksoi se nuk është evropiane që Maqedonia të kushtëzohet për gjuhën, identitetin dhe historinë e saj, të cilat janë pjesë e letërnjoftimit të një kombi. Maqedonia ka të drejtë në simbolet e saj të identitetit, tha Mickoski”, informojnë nga Qendra për media e VMRO-DPMNE-së.

Më tej shtojnë se Mickoski ka falënderuar Girin për mbështetjen që Maqedonia merr nga BE-ja, si dhe përpjekjet e forta për demokratizim, duke theksuar se vëmendje duhet t’i kushtohet luftës kundër krimit dhe korrupsionit, të cilat fatkeqësisht janë në një nivel katastrofik për shkak të mungesës së vullnetit nga Qeveria.

“Gjegjësisht, ne kemi vetëm një dëshirë deklarative në qeveri për t’u marrë me korrupsionin, por në parim ajo vendoset në mbrojtjen e krimit”, shkruhet në njoftim.

error: Content is protected !!