Lëkundje të forta sizmike janë ndjerë në Shqipëri pak pas mesnatës. Një tërmet më magnitudë 4.6 i shkallës Rihter u regjistrua në orën 01:25 të së enjtes.
Sipas Qendrës Sizmologjike Evropiane-Mesdhetare EMSC në Shqipëri, thellësia fokale e tërmetit vlerësohet 5 km, ndërsa epidendra e tij ishte 29 km në jugperëndim të Elbasanit.
Ndërkohë sipas IGJEUM magnituda ishte 4.5 ballë me thellësi 20 km në veriperëndim të qytetit Cërrik.
Ministria e Mbrojtjes thotë se nga komunikimi me Policinë e Shtetit dhe me Mbrojtjen Civile në Prefekturën Elbasan, nuk raportohen dëme apo probleme të ndryshme.
Mësohet se lëkundjet janë ndjerë në qytetet e Elbasanit, Lushnjes, Tiranës e Durrësit.
Lëkundje tërmeti mëngjesin e kësaj të enjteje janë ndjerë edhe në perëndim të Lefkadas, në Greqi.
Mediat greke shkruajnë se tërmeti ishte me magnitudë 4.1 i shkallës Rihter.
Sipas Qendrës Sizmologjike Evropiane-Mesdhetare EMSC, tërmeti ndodhi 11 km në perëndim të Lefkadas dhe thellësia fokale ishte 15.8 km./oranews