Lampard: Dëshiroj ta fitoj trofeun për ekipin tim

Menaxheri i Çellsit, Frenk Lampard e komentoi ndeshjen e sotme në finalen e Kupës FA mes ekipit të tij dhe Arsenalit.

“Ne dëshirojmë të fitojmë, kjo është e thjeshtë. E di se sa është me rëndësi ky trofe për tifozët, për këtë shkak dëshiroj ta fitoj për ta dhe për ekipin tim. U rrita duke e shikuar finalen e Kupës FA, me kujtohen të gjitha shumë mirë. Nëse me jepni pesë minuta, do t’i numëroj të gjitha 90-të. Ka një magji në atë se si ndjeheni pasi të fitoni. Unë ende e kam atë ndjenjë në vete, për këtë shkak to të tentoj t’u ndihmojë lojtarëve të mi dhe tifozëve që të ndjehen në mënyrë të njëjtë”, thotë menaxheri anglez.

Lampard pranoi se nuk ka folur me pronarin e “bluve”, Roman Abramoviç, por edhe nuk ka nevojë për një gjë të tillë.

“Nuk ka nevojë për thirrje ose porosi, sepse e kam ndjerë përkrahjen e tij vazhdimisht prej se e kam ndërmarrë punën. Ai më ka përkrahur edhe si lojtar, tani dëshiroj t’ia kthej”, thotë Lampard.

Ish mesfushori i Çellsit pranoi se nuk do të përqëndrohet në lojën e dobët të David Luizit dhe nuk do të tentojë ta shfrytëzojë atë.

“Unë nuk e shoh Luizin si ‘pikë të dobët’ të Arsenaslit. Unë shumë e respektoj, ne ishim bashkëlojtarë, e fituam Ligën e kampionëve bashkë. Ai ishte pjesë e një gjëje të madhe. Krahas asaj, ai ka zemër të mirë. E di sa është i dobishëm për ekipin, unë atë e shoh si futbollist të mirë”, tha menaxheri i Çellsit