Drejtori i Bankës Zhvillimore të Maqedonisë së Veriut, Kire Naumov ka treguar kushtet e kompanive të cilat mund të fitojnë kredi pa normë të interesit nga linja kreditore Covid 4.
- Subjektet që nuk kanë shfrytëzuar mjete nga masa e parë e pakos së 5 ekonomike – gjegjësisht masa për financim të pagave për muajt shkurt dhe mars,
- Subjektet që nuk kanë shfrytëzuar kredi nga Covid 3 nga Banka Zhvillimore dhe
- Subjektet që nuk kanë shfrytëzuar kredi nga Covid 1 ose Covid 2.
Shuma maksimale e kredisë në Covid 4 arrin në 30 mijë euro dhe më e ulëta 3 mijë euro.
“Pagesa do të realizohet deri në 42 muaj, gjegjësisht 3 vjet e gjysmë”, tha Naumov, transmeton TV21.
Kërkesat për kredi do të parashtrohet në rrugë elektronike, në e-mail adresën kreditiranjekovid4@mbdp.com.mk, duke filluar nga 15.07.2021 nga ora 09:00.
Thirrja publike do të zgjasë 20 ditë, kurse kërkesat do të pranohen dhe përpunohen në bazë të parimit: “Kush vjen i pari, shërbehet i pari”./TV21
LEXO EDHE:
– 10 milionë euro për kompanitë – një përqindje e kredisë mund të shndërrohet në grant, sqaroi Besimi
– Bytyqi: Ekonomia është në rritje