Libri i gjeografisë për vitin e dytë në gjimnaz ka përmbajtje fashiste, e Ministrat e BDI-së që kanë kaluar deri më tani në Ministrinë e Arsimit nuk kanë bërë asgjë për t’i ndryshuar këto tekste, tha mbrëmë në ClickPlus kryetari i forumit rinor të ASh-së Omer Ajdini.
“Çdo regjim fashist, gjënë e parë që ka bërë kur ka dashur ta shfarosë një popull, e ka tuhajësuar, d.m.th ka thënë se nuk i përket këtij territori, me çka më pas ka justifikuar çdo kampanjë çrrënjoseshe të atij populli. Kështu ka bërë Milloshoviqi, kështu ka bërë Hitleri, çdo fashist e ka bërë këtë. Mendojmë se është skandaloze dhe ministrat e BDI-së që kanë qenë deri më tani në pushtet, përveç vendosjes së pudrës dhe tenderëve që ua kanë dhënë njerëzve të vetë, absolutisht, asnjë gjë nuk kanë bërë”, tha Omer Ajdini nga FR-ASH.
Kjo mori kundërpërgjigjen e kryetarit të forumit rinor të BDI-së, Avni Rustemi, i cili tha se ka pasur iniciativa të ministrave integristë, duke shtuar se në mandatin e ish-Ministrit Arbër Ademi janë përmirësuar 51 tekste shkollore, por kjo nuk do të thotë se janë përmirësuar të gjitha.
“Këtë procedurë e ka filluar ish-ministri dhe do të vazhdojë edhe tash me mandatin e deputetiт. Për fat të keq opozita asnjëherë nuk ka qenë e bashkuar për çështjet kombëtare, pra mendojnë se problemi zgjidhet duke mbajtur deklarata para mediave, realiteti është komplet ndryshe. Kur të hysh në punë aty e të shohësh se si është procedura, është komplet ndryshe”, potencoi Avni Rustemi nga FR-BDI.
Drejtuesi i forumit rinor të partisë “Alternativa”, Afan Elezi, theksoi se më nuk mund të flitet për marrje iniciativash, por për mbajtje të përgjegjësisë se pse teksti i gjeografinë nuk u ndryshua për 20 vite me radhë.
“Tash ne më nuk duhet të flasim për iniciativa. Tash duhet të flasim për përgjegjësi. Kush duhet ta bartë përgjegjësinë për atë që s’është bërë deri më tash. Nuk mundet të dalim ne dhe të themi se pse nuk kanë reaguar prindërit, pse nuk reaguaн nxënësit, pse nuk kanë reaguar profesorët. Kanë reaguar, o Avni! Kanë reaguar të gjithë megjithatë kanë hasur në vesh të shurdhër”, theksoi Afan Elezi nga FR-Alternativa.
Albi Qamili nga forumi i të rinjve të Lëvizjes Besa pohoi se as opozita e tanishme Aleanca-Alternativa, cila nuk e ka ngritur zërin për ato muaj sa ka qenë në qeveri.
“Po mos të harrojmë se pjesë të këtyre kabineteve qeveritare kanë qenë edhe Aleanca për Shqiptarët dhe Alternativa të cilët nuk kanë marrë asnjë iniciativë lidhur me këtë çështje…”.
Po Besa?
“Tani Lëvizja Besa është në pushtet. Edhe kur ka qenë në opozitë ka reaguar për këtë çështje…”, u shpreh Albi Qamili nga FR-Lëvizja Besa.
Libri i gjeografisë për vitin e dytë për gjimnazet e reformuara, në pjesën ku flitet për strukturën e popullsisë, shkruhet se “prej shqiptarëve të Maqedonisë ekzistojnë fise që e llogarisin veten autokton por që kryesisht janë popullsi maqedone që gjatë sundimit turk e ka pranuar islamin dhe është shqiptarizuar, e midis tyre ka ndonjë fis me prejardhje turke, rome e çerkeze”. Ky botim është miratuar nga Ministria e Arsimit që në vitin 2002.