Një Qeveri me përfaqësues jolegjitim është e barabartë me Qeveri pa shqiptarë. Kështu u shpreh Bujar Osmani nga Fronti Europian mbrëmë në Kanal 5. Duke komentuar fillimin e negociatave për bashkëqeverisje mes VMRO-DPMNE-së dhe VLEN-it, thotë se me këtë po shkelet vullneti i qytetarëve i shprehur në zgjedhje. Pas kësaj, sipas Osmanit, zgjedhjet nuk kanë më kuptim.
E nëse VLEN fitonte një votë më tepër se Fronti Europian, Osmanit tha se do të luftonte që VLEN të përfaqësojë shqiptarët.
Nga koalicioni VLEN, kundërpërgjigjen duke thënë se legjitimiteti i shqiptarëve meret nga shqiptarët e jo nga komunitetet tjera jo shumicë. Nuk mund të thirreni në marrëveshjet që vetë i keni shkelur, thotë Zeqirija Ibrahimi nga koalicioni VLEN.
Për atë se kush do duhet t’i përfaqësojë shqiptarët në pushtet, debate ka patur qysh para zgjedhjeve, kur kreu i Lëvizjes Demokratike Izet Mexhiti thoshte se Fronti Europian ka kaluar në koncept qytetar dhe koalicioni VLEN është opsioni i vetëm i pastër shqiptarë në zgjedhje. Në zgjedhjet e 8 majit, Fronti Europian mori 19 mandate ndërsa koalicioni VLEN 13.