Kush do ta pasojë Hekuran Dukën në krye të komunës së Dibrës pas zgjedhjeve lokale të cilat do të mbahen në tetor?
Gara në këtë komunë pritet të jetë mes tre kandidatëve.
Koalicioni VLEN shpreh mbështetjen e kandidatit për kryetar komune në Dibër Fisnik Mela, nga ku thonë se prej momentit kur kanë shpallur kanidaturën e tij, ka marrë jehonë të madhe në mesin e dibranëve
“VLEN fisnikëron Dibrën me Fisnik Melën. Ai nuk është thjesht një kandidat, është mishërimi i një gjenerate të re që vjen me duar të pastra, me ide të qarta dhe me kurajën për ta çuar Dibrën përpara”, thanë nga VLEN.
Koalicioni AKI tashmë ka vendosur që në këtë komunë të kandidojë me kandidatë nga ASH e Ziadin Selës, ndërsa ai është profesor Ilirijan Fetahu.
“Për kandidat për kryetar komune të komunës së Dibrës profesor Ilirian Fetahun”, tha Sela.
Ndërkaq do të ketë edhe nëj kandidat të pavarur. Përmes një postimi në Facebook, Ramadan Imeri e shpalli kandidaturën e tij
“Të nderuar qytetarë të Dibrës, unë, Ramadan Imeri, kandidoj si i pavarur për kryetar të Komunës së Dibrës. Pa parti, pa interesa të fshehta, me vetëm një qëllim të qartë: t’u shërbej me ndershmëri, përgjegjësi dhe përkushtim të plotë”, tha Imeri.
Ndryshe në Dibër sipas KSHZ-së janë të regjistruar 18.318 votues.