Kandidati për kryeministër të Kosovës nga Lëvizja Vetëvendosje, Albin Kurti sot takoi ambasadorin e ShBA-së në Kosovë, Philip S. Kosnett, me ç’rast ambasasdori Kosnett uroi Kurtin për fitoren në zgjedhjet e 14 shkurtit.
Ai uroi që sa më parë vendi të ketë një qeveri e parlament funksional. Ndërsa, kryetari i VV-së, Albin Kurti, siç informoi VV përmes një postimi, ndau bindjen që shumë shpejt vendi do ta ketë qeverinë e re dhe mundësinë për të bashkëpunuar për projekte konkrete që ndihmojnë shtetndërtimin demokratik, zhvillimin ekonomik të vendit e thellimin e marrëdhënieve bilaterale midis dy shteteve./21Media