Ushtruesi i detyrës kryeministër i Kosovës, Albin Kurti deklaroi se me kërkesën e sotme të presidentit të vendit, Hashim Thaçi, drejtuar Lidhjes Demokratike të Kosovës (LDK) të emërojë mandatar për kryeministër të ri, po bëhen përpjekje për të formuar qeveri jo vetëm pa partinë që fitoi zgjedhjet, Lëvizjen Vetëvendosje (VV), por edhe kundër saj.
Në pres konferencën e sotme, pas vendimit të LDK-së për ta kandiduar Avdullah Hotin për kryeministër të ri, Kurti tha se posa ta marrë zyrtarisht vendimin për dhënien e mandatit LDK-së, të njëjtin do ta ngadalësojë para Gjykatës Kushtetuese.
“Le ta shohim dokumentin zyrtar me tekst dhe nënshkrim dhe atëherë ne do ta paraqesim vlerësimin tonë,” tha Kurti në një konferencë shtypi para ndërtesës së qeverisë së Kosovës.
Ai tha se veprimet e fundit të presidentit Thaçi për të formuar një qeveri të re, pasi aktuales më 25 mars iu votuat mosbesim nga ana e Kuvendit, “paraqet shkelje të kushtetutës dhe të vendimit kushtetues të vitit 2014”.
“Në vitin 2014 ne konsideruam se shumica parlamentare është formuar në Kuvendin e Republikës, megjithatë, ka pasur aktgjykim në Gjykatën Kushtetuese që e përcakton shumicën si absolute dhe si shumicë relative, me ç’rast fituesi i zgjedhjeve paraqet shumicë relative. Ne ishim kritikë atëherë, por e pranuam vendimin”, tha Kurti.
Ai shtoi se në vitet që vijojnë, nga 2015, VV-ja e pranoi atë aktgjykim, mirëpo tani Thaçi i ka ndryshuar “rregullat e lojës”.
“Ne këtë herë dolëm të parët dhe ata na thonë të kthehemi në vitin 2014. Do të thotë rregullat e lojës kanë ndryshuar. Na bënë padrejtësi të dyfishtë, si në vitin 2014 ashtu edhe tani”, tha Kurti
Sipas tij, nëse formohet qeveria e re, ajo do të varet nga partia e pakicës serbe, Lista Serbe (SL), si dhe nga koalicioni që më parë ishte në pushtet, i njohur si PAN, dhe i cili përbëhej nga Partia Demokratike e Kosovës (PDK) e Kadri Veselit, Aleanca për Ardhmërinë e Kosovës (AAK) e Ramush Haradinaj dhe Nisma Socialdemokrate e Fatmir Limajt.
“Presidenti Thaçi me tejkalimin e kompetencave të tij po mundohet të formojë një vullnet politik. Që nga shpallja e pavarësisë, ne kemi për herë të parë një qeveri e cila nuk varet nga PAN-i ose Lista Serbe. Tani do të varet nga të dyja. Pra, nga një e pavarur shkojmë në një qeveri me varësi të dyfishtë”, deklaroi Kurti./MIA