Nesër për disa orë do të mbesin pa energji elektrike disa pjesë të Gjakovës dhe Prishtinës. Ndërsa të hënën pothuajse tërë ditën do të çkyqet linja Drenas-Gllobar. Këto çkqyje do të bëhen për arsye të projektit për ndërtimin e linjës interkonektive Kosova-Shqipëri
Sipas KOSTT-it, çkyqjet Drenas do të ketë nga ora 8:00 deri në orën 12:00, si dhe nga ora 14:00 deri në orën 18:00, dhe anë të domosdoshme për të mundësuar montimin e përçuesve në segmentin e dytë të linjës interkonektive 400 kV Kosovë-Shqipëri.
Kurse, nesër qytetarët që furnizohen nga NS Gjakova 1 do të mbesin pa furnizim me energji elektrik në mëngjes, kjo për shkak të rehabilitimit të pajisjeve të tensionit të mesëm. Punimet në fjalë, do të ndikojnë në rritjen e stabilitetit dhe sigurisë së furnizimit me energji elektrike nga aspekti i transmisionit.
Ndërsa, në Prishtinë nesër nga ora 10:00 deri në ora 14:00, do të kenë ndërprerje të energjisë elektrike për të gjithë ata që furnizohen nga nënstacioni Prishtina 2. Kjo për shkak të punimeve në kuadër të projektit: Furnizimi dhe instalimi i transformatorit TR3 në këtë nënstacion Prishtina 2.
Sipas KOSTT-it, këto punime do të ndikojnë në rritjen e stabilitetit dhe sigurisë së furnizimit me energji elektrike nga aspekti i transmisionit./ 21MEDIA