Kryeministri i Shqipërisë, Edi Rama ka ndarë pamje nga kroçiera “Seven Seas Grandeur”, e cila sot ka zbarkuar në Portin e Durrësit, përcjell TV21. Rama thotë se kjo tregon që Durrësi po konfirmohet si një destinacion i rëndësishëm mesdhetar.
“Në kalatën 5 të Portit të Durrësit është ndalur sot për herë të parë kroçiera luksoze “Seven Seas Grandeur”, me 728 vizitorë në bord, kryesisht nga SHBA, Kanadaja, Mbretëria e Bashkuar, Australia, Brazili, Gjermania, Spanja e Japonia, Durrësi po konfirmohet si një destinacion i rëndësishëm mesdhetar për kroçierat ndërkombëtare”, ka shkruar Rama.
