Kovaçevski: E mbështes misionin e vlerësimit të BE-së për punën e Këshillit gjyqësor

Kryeministri Dimitri Kovaçevski sot në përgjigje të pyetjeve të gazetarëve në konferencën e përbashkët për shtyp me kreeministrin shqiptar Edi Rama tha se e mbështet misionin e vlerësimit që Bashkimi Evropian e paralajmëroi për punën e Këshilit gjyqësor.

“Nuk është hera e parë të ketë mision vlerësimi të Bashkimit Evropian, ka pasur në të kaluarën. Kjo është tema, në të cilën unë dhe euroambasadori Dejvid Gir kemi biseduar para një viti e gjysmë, duke pasur parasysh se sistemni ynë gjyqësor është i pavarur nga Qeveria, është i pavarur nga kushdo qoftë në botë”, tha Kovaçevski.

Përkujtoi në reformat në drejtësi, ku në fillim gjyqtarët zgjidheshin nga Kuvendi, pastaj kishin mandate, pastaj kaluan në një zgjidhje tjetër dhe në fund, thotë ai, tani kemi një zgjidhje në të cilën gjyqtarët kanë mandat të përjetshëm, zgjidhen nga një këshill gjyqësor, si një organ i pavarur, ekspert që ka integritetin e vet dhe vlerësimin e tyre e japin sërish gjyqtarë të Këshillit Gjyqësor. Kovaçevski përsëriti se është një organ që vetë selektohet, vetë vlerësohet dhe jep analizë se çfarë është bërë.

Që në ditën e parë kur u bëra kryeministër, shtoi ai, mendoja se sisteme të tilla shpesh kanë një imazh të ndryshëm për veten e tyre nga publiku që i shërbejnë.

“Dhe kjo është arsyeja pse është mirë që në kuadër të bashkëpunimit që kemi me BE-në, ata tani do të mund të organizojnë një proces të një misioni të tillë për të kontrolluar të gjithë informacionin në lidhje me funksionimin e Këshillit gjyqësor dhe më pas t’i ndajnë ato me Komisionin Evropian dhe me aktorët tanë politikë që nuk kanë vartësi ndaj gjyqësorit dhe në bazë të kësaj duhet të propozohen reformat e duhura që do të përmirësojnë punën e organeve të drejtësisë në vend. Pra, nëse më pyesni konkretisht nëse e mirëpres atë – e mbështes atë”, thotë Kovaçevski.

Euroambasadori Dejvid Gir dje në një intervistë për “Top tema” në TV Tellma tha se Unioni dërgon misioni vlerësimi në Maqedoninë e Veriut për punën e Këshillit gjyqësor, pas një sërë skandalesh dhe trazirash disa muajt e kaluar.

Gir tha se kjo tashmë i është propozuar Qeverisë dhe shpreson se do të realizohet sa më shpejt që mundet, sepse, siç thotë, puna ne Këshillit gjyqësor duhet të përmirësohet.

Ai sqaroi se ky është një grup këshillëdhënës, mision vlerësimi.