Kovaçev: Nuk ka kontest dypalësh! Sipas Mickoskit, BE është pjesë e kontestit dypalësh me Bullgarinë

Përpjekjet e qeverisë në Shkup janë në dëm të së ardhmes europiane të Maqedonisë, theksoi eurodeputeti bullgar Andrej Kovaçev, duke i komentuar kërkesat për ndryshimin e kushteve të propozimit francez. Ai në Daily Click tha se e përkrah dëshirën e vendit tonë për anëtarësim në BE.

ANDREJ KOVAÇEV, EURODEPUTET I BULLGARISË
Kryesia maqedonase e humb kohën e shtetit të saj, në vend t’i fillojë negociatat. Në vend që tani të jetë mes të parëve në integrimin europian, ata filluan të shfrytëzojnë para, diplomaci në Bruksel, në Uashington, në Paris dhe të shpjegojnë se diçka duhej të ndryshohej. Kjo është humbje e kohës, tashmë është miratuar korniza europiane për fillimin e negociatave.

Ai përsëriti se duhet të realizohet edhe Marrëveshja për fqinjësi të mirë me Bullgari, duke thënë se e njëjta është pjesë e kornizës negociuese duke theksuar se në Maqedoni po përdoret gjuha e urrejtjes.
ANDREJ KOVAÇEV, EURODEPUTET I BULLGARISË

Këto nuk janë çështje dypalëshe, por janë të drejta themelore të njeriut dhe fqinjësia e mirë është kriteri themelor për anëtarësim.
Kryeministri Hristijan Mickoski duke folur për eurointegrimin, përmendi se megjithatë bëhet fjalë për një kontest dypalësh që e përdorin rrethet politike në Sofje si prioritet kryesor.

HRISTIJAN MICKOSKI, KRYEMINISTËR

Kontesti dypalësh që e kemi ne me fqinjin lindor është kontest që në fakt nuk ka të bëjë me vlerat e shekullit 21 dhe mendoj se sa më shpejtë që është e mundur duhet t’i fillojmë edhe formalisht negociatat me BE e cila është pjesë e këtij kontesti dypalësh.

Kryeministri kohë më parë i thirri Brukselin dhe Uashingtonin ta lehtësojnë procesin e dialogut mes Shkupit dhe Sofjes.