Kosovë, vdes pacientja shtatzënë nga COVID-19

Pacienjta shtatzënë e prekur nga COVID-19 që ishte e shtruar në Klinikën Infektive ka vdekur mëngjesin e sotëm. Lajmin e ka konfirmuar, Ministria e Shëndetësisë përmes një komunikate për media. “Klinika Infektive e QKUK-së njofton se gjatë orëve të para të datës 21. 04. 2020 në Mjekimin Intensiv të kësaj klinike ka ndërruar jetë pacientja V.P. me vendbanim në Gjakovë (1980) e diagnostikuar me Covid-19. E njëjta, ishte shtatzënë dhe po trajtohej në mjekimin intensive të klinikës që prej datës 15 prill 2020”, thuhet në njoftim. Kjo është vdekja e 13, e pacientëve me Covid-19 në Klinikën Infektive dhe e 16-ta në nivel të shtetit.