Koreja e Veriut teston raketat e reja me rreze të gjatë veprimi

Koreja e Veriut ka testuar raketat e reja me rreze të gjatë veprimit, që janë në gjendje të godasin pjesën më të madhe të Japonisë, raporton mediumi shtetëror koreano-verior të hënën.

Në fundjavë janë testuar raketat që janë në gjendje të fluturojnë deri 1500 kilometra, ka njoftuar agjencia e lajmeve KCNA.

Lë të kuptohet se Koreja e Veriut është ende në gjendje të zhvillojë armë ndonëse ka mungesë ushqimi dhe është në krizë ekonomike.

Ushtria amerikane ka thënë se testimet e fundit paraqesin rrezik për shtetet fqinje, dhe Japonia ka thënë se ka “shqetësime të mëdha”.

Një fotografi në gazetën “Rodong Sinmun”, tregon raketën duke u lansuar nga një makinë, ndërsa një tjetër mund të shihet duke fluturuar horizontalisht.

Raketat janë “armë strategjike të rëndësisë së madhe”, ka thënë KCNA.

Ka njoftuar se testet janë kryer të shtunën dhe të dielën, ku raketat kanë goditur shënjestrat para se të binin në ujërat koreano-verior.

Foto: KCNA