Kontest i Serbisë me BE-në dhe Kroacinë se nga cili vend është Nikolla Tesla

Ministri serb i Kulturës dhe Informimit Vlladan Vukosavleviq,  ka reaguar sot me rastin e të dhënave për Nikolla Teslën në ueb faqen e Bashkimit Evropian, duke deklaruar se bëhet fjalë për “falsifikim të panumërt të përsëritur”.

“Në lidhje me informatat se në  ueb prezantimin zyrtar të Bashkimit Evropian, në të ashtuquajturin këndi i  mësimit gjenden të dhënat se Nikolla Teslla njihet si kroat,  me keqardhje konstatoj se  bëhet fjalë për falsifikim të panumërt të përsëritur, i cili vazhdimisht futet nga rrethana të caktuara  në Kroaci, me qëllim të përvetësimit dhe kroatizimit të identitetit kulturor dhe historik serb”, citoi Vukosavljeviq në kumtesën e Ministrisë së Kulturës dhe Informimit.

Ai shtoi se veçanërisht i vjen keq për atë që gjendet në ueb faqen  zyrtare të BE-së, i cili, siç thotë, “të paktën në mënyrë deklarative  përpiqet për pamje të vërtetë historike dhe politika të mirëkuptimit dhe  respektimit të ndërsjellë mes shteteve dhe popujve në Evropë”.

Shpresoj se me kërkim falje deri te populli serb, ky gabim i pashembullt  do të rregullohet  pa anulim dhe se do të krijohen kushte  që falsifikimet historike asnjëherë më të mos paraqiten në ueb faqet zyrtare të BE-së, të destinuara për arsimim të njerëzve nga të gjitha grupmoshat”, tha ministri serb i Kulturës.

Në Uikipedia në gjuhën serbe për Nikolla Tesllën qëndron se ai është shpikës serb dhe amerikan, inxhinier për elektroteknikë dhe makineri dhe fizikant, më i njohur për kontributin e tij  në projektimin e sistemit modern të mbushjes me  energji elektrike shndërruese.

Në Uikipedinë kroate qëndron se ai ka qenë elektroinxhinier kroat dhe amerikan dhe shpikës me  preardhje serbe nga Kroacia, i lindur në  Lika, është arsimuar në Karlovac, ndërsa  pothuajse gjithë jetën ka  punuar në SHBA, ku i ka bërë hulumtimet e tij./MIA