Konte: Shakhtar është kundërshtar i vështirë, por ne jemi të përgatitur

Interi do të ketë ndeshje shumë të vështirë kundër Shakhtar Donetsk, por “zi- kaltrit” janë plotësisht të përgatitur për ballafaqimin e ardhshëm, deklaroi trajneri i ekipit, Antonio Konte.

Italianët sonte vonë do të takohen me Shakhtar Donetsk në Dyseldorf në gjysmëfinalen e tyre të parë ndërkombëtare që nga viti 2010.

“Ne e respektojmë Shakhtar sepse vitet e fundit ata kanë qenë klub shumë i qëndrueshëm. Ata duken si kundërshtari ynë më i ashpër në Ligën e Evropës për këtë vit. Do të jem i lumtur për Interin nëse klubi fiton trofeun. Nuk mendoj për arritjet e mia personale, sepse jam i zënë të bëj punën time. Ne jemi të përgatitur mirë për ndeshjen e ardhshme dhe do të jetë shumë e vështirë. Shakhtari ende përballet me kundërshtar të ashpër. Ne jemi të qetë dhe të gatshëm”, deklaroi Konte.