I mandatuari për kryeministër të Kosovës, Glauk Konjufca, ka folur në mbledhjen e Këshillit të Lëvizjes Vetëvendosje. Ai ka thënë se një qeveri pa Albin Kurtin si kryeministër, është kompromis i madh nga ana e LVV-së, ndërsa shton se tash është radha e opozitës.
“Vetëvendosja po e bën kompromisin e vet. Më shumë se kaq nuk ka mundësi. Nuk ka mundësi sepse ne po e prezantojmë një qeveri ku nuk është kryeministër Albin Kurti. E ky mendoj që është një kompromis shumë i madh për LVV-në. Tash e ka radhën opozita për kompromisin e vet”, tha Konjufca.