KMK gjobiti LOE-në me 0.8% të të ardhurave! LOE ka organizuar dhe ka gënjyer për bashkimin në kartel të marketeve

Lidhja e Odave Ekonomike, një nga komunitetet më të mëdha të biznesit në vend, ka qenë bashkëpunëtore dhe organizatore në bashkimin në kartel të katër rrjeteve të mëdha të marketeve dhe ka dhënë të dhëna të rreme dhe të paplota. Komisioni për mbrojtjen e konkurrencës e ka gjobitur Odën për kundërvajtje, e cila duhet të paguajë 0.87% të të ardhurave në vitin 2024. Sipas përllogaritjeve të TV21, LOE duhet të paguajë gjobë prej 100.000 denarësh, ose rreth 1.600 euro.

GRAFIKË:
KOMISIONI PËR MBROJTJE NGA KONKURENCA
-Komisioni ka filluar procedurë ndaj Lidhjes së Odave Ekonomike dhe ndaj katër rrjeteve të mëdha të marketeve për shkak të dyshimeve për bashkim në formë karteli, gjë që është rreptësisht e ndaluar sipas nenit 7 të Ligjit për Mbrojtjen e Konkurrencës. Drejtori ekzekutiv dhe nënkryetari i Odës, në mënyrë të vetëdijshme, kanë dhënë të dhëna të pasakta për rolin e Odës dhe personave të saj të autorizuar në organizimin e nënshkrimit të marrëveshjes së ndaluar (kartel) ndërmjet katër rrjeteve të mëdha të marketeve.

Gjatë kontrollit të komunikimit zyrtar është konstatuar se ata kanë pasur rol aktiv në procesin e marrëveshjes dhe në mënyrë të vetëdijshme kanë dhënë të dhëna të pasakta dhe të paplota për të shmangur përgjegjësinë për bashkimin në kartel – njoftoi KMK.

Nga Lidhja e Odave Ekonomike nuk kemi marrë përgjigje.

Në emisionin Biznes 21, në muajin shkurt, pikërisht atë ditë kur KMK hapi procedurat, kryetari i Odës ekonomike pranë LOE-së, Sasho Dukoski, mohoi çfarëdo lloj bashkimi.

SASHO DUKOSKI, ODA EKONOMIKE PRANË LOE-së
Kartelet janë diku tjetër, këtu mund të paragjykojmë sa të duam. Unë po ju them që një gjë e tillë nuk ka ndodhur, nuk është e vërtetë për ndonjë lloj bashkimi apo marrëveshjeje.
– A do të thotë kjo se nuk jeni dakorduar për çmime?
Shpresoj, shpresoj shumë shpejt kjo të vërtetohet gjatë procedurës.
– As ndikim?
Jo, absolutisht jo.

Përllogaritjet e TV21 tregojnë se të ardhurat totale të Odës vitin e kaluar kanë qenë mbi 11.4 milionë denarë. Ndërsa gjoba që duhet të paguajë është 100.000 denarë, ose 1.626 euro.
Procedura ndaj katër rrjeteve të marketeve ende po vijon. Nëse Komisioni arrin të vërtetojë se kanë bashkëpunuar në mënyrë kartel dhe kanë ndikuar në çmime, Kam, Tinex, Vero dhe Reptil mund të ndëshkohen me një maksimum prej 10% të të ardhurave. Bëhet fjalë për gjoba që mund të arrijnë edhe në dhjetëra miliona euro.