Klop: Nesër do të jetë një nga ditët më të mëdha në jetën time

Menaxheri i Liverpulit, Jirgen Klop foli për emocionet, të cilat do ta përcjellin gjatë ndeshjes së nesërme me Çellsin, pas çka “të kuqtë” do ta ngrejnë trofeun, të cilin e kanë pritur 30 vite. Gjermani pranon se kjo do të jetë një nga ditët më të mëdha në jetën e tij.

“Po mundohem të përgatitem për atë se çka do të ndodh nesër. Do të jetë vështirë pasi para nesh kemi një ndeshje të rëndësishme. Kjo do të jetë një nga ditët më të mëdha në jetën time, pasi më në fund do të mund ta ngre lartë këtë trofe. Do të jem shumë krenar për djelmoshat. Gati një muaj jemi kampionë. Si të afrohen Krishtlindjet – e dini se do të merrni dhuratë, por megjithatë jeni të shqetësuar. Do të jetë diçka e posaçme. Shumë jam i lumtur pasi djemtë do ta përjetojnë këtë moment. Ata e meritojnë këtë më shumë se të gjithë të tjerë”, tha Klop.

Gjermani i komentoi edhe transferimet. Deri tani Çellsi është një nga ekipet më aktive në treg, ndërsa një nga lojtarët që u transferuan në Çellsi është edhe Timo Verner, i cili ishte i lidhur edhe me Liverpulin.

“Unë jam tërësisht i lumtur me ekipin me të cilin disponoj. Isha i kënaqur edhe vitin e kaluar kur të gjithë më lusnin ta sjell në ekip. Nuk e bëmë për shkaqe tona. Nuk bëhet fjalë për atë që dallimi mes nesh dhe Çellsit është 30 pikë. Mund ta shihni atë në terren – djemt tanë japin gjithçka prej vetes. Nuk jam i sigurtë se kjo mund të blihet”, tha Klop