Personeli i shpëtimit mbylli me sukses të hënën, një çarje prej 226 metrash të një dige, në liqenin e dytë më të madh të ujërave të ëmbla të Kinës, sipas autoriteteve lokale.
Ngarkesa përfundimtare e kamionit me gurë u hodh në çarjen e digës së liqenit Dongting, në Yueyang të provincës Hunan në Kinën Qendrore, në orën 22:31 mes brohoritjeve të personelit të shpëtimit.
Çarja, e cila fillimisht ishte rreth 10 metra e gjerë të premten e kaluar, u zgjerua në mbi 200 metra në ditë, duke përmbytur 4764 kilometra katrorë tokë. Ndërkohë u krye evakuimi urgjent i 7680 banorëve vendës.
Përpjekjet për mbylljen e çarjes nisën në orën 13:00 të së shtunës.
Mijëra shpëtues, përfshirë zjarrfikës, hidrologë, vullnetarë dhe policë, u bashkuan për të mbrojtur jetët dhe pronat gjatë procesit të mbylljes. Prej orës 14:00 të së dielës, gjithsej 4739 personel profesional shpëtimi, 469 automjete, 318 pajisje, 144 pajisje të mëdha dhe 170 varka u vendosën në vendin e çarjes.
Të premten mbrëma, Administrata Kombëtare e Ushqimit dhe Rezervave Strategjike organizoi dërgesën e 5000 pakove të urgjencës familjare në Hunan, për të mbështetur evakuimin dhe zhvendosjen e banorëve të prekur nga përmbytjet.
Çarja në liqenin Dongting u shkaktua nga vërshimet rrëmbyeshme të shiut.
Që nga fillimi i sezonit të shirave, krahinat e ndryshme në të gjithë Kinën kanë përjetuar reshje të dendura dhe të zgjatura, të cilat kanë shkaktuar përmbytje në disa zona, duke rritur rrezikun e prishjes së digave.
Provinca Hunan e Kinës Qendrore është aktualisht vendi më i goditur. Përpara shpërthimit të digës, provinca përjetoi 17 ditë radhazi reshje të dendura, periudha më e gjatë e shiut të dendur rajonal që nga viti 1961.
Sektorët qeveritarë kinezë të meteorologjisë, rezervave ujore, burimeve natyrore dhe zhvillimit urban e rural, kanë ofruar udhëzime për kontrollin e përmbytjeve për 18 krahina të prekura nga reshjet, duke përfshirë provincat Hu’nan, Shandong, He’nan dhe Shaanxi. Qeveritë lokale janë përqendruar në monitorimin e reshjeve dhe përmbytjeve, duke krijuar plane emergjente reagimi dhe duke përforcuar pajisjet e kontrollit të përmbytjeve.
Ministria e Financave e Kinës ka ndarë 848 milionë juanë fonde(mbi 116.6 milionë dollarë amerikanë) për të mbështetur punën e përballjes së përmbytjeve në 12 provinca dhe qytete të varura direkt nga qeveria qendrore. Ndërkohë, 200 milionë juanë (rreth 28.05 milionë dollarë) nga buxheti i shtetit janë alokuar në ndihmë të lehtësimit dhe trajtimin të pasojave të fatkeqësive natyrore në provincat Hu’nan dhe Jiangxi.
Për më tepër, në zonat e prekura u dërguan furnizime emergjente për banorët e evakuuar, duke përfshirë 470.000 njësi nga ndërmarrjet dhe 80.000 nga organizatat shoqërore.