Kina i kërkoi përsëri të hënën Japonisë, në sesionin e 53-të të Këshillit të të Drejtave të Njeriut të OKB-së, të ndalojë planin për lëshimin e ujit të ndotur bërthamor në oqean.
Këshilli i të Drejtave të Njeriut i OKB-së miratoi të hënën përfundimet e Shqyrtimit Periodik Universal (UPR) të Japonisë. Duke folur në diskutimet mbi këto përfundime, diplomati kinez Shi Qi përsëriti thirrjen e Kinës ndaj Japonisë që të ndalojë planin për të hedhur ujin e ndotur bërthamor në oqean.
Ai i kërkoi Japonisë ta trajtojë ujin e ndotur në një mënyrë të bazuar në shkencë, të sigurt e transparente dhe të bashkëpunojë me Agjencinë Ndërkombëtare të Energjisë Atomike (IAEA) për të krijuar një mekanizëm mbikëqyrjeje ndërkombëtare afatgjatë që përfshin fqinjët e Japonisë dhe palë të tjera të interesuara sa më shpejt të jetë e mundur.
Diplomati vuri në dukje se, për shkak të kostos ekonomike, Japonia shpërfilli shqetësimet dhe kundërshtimin e komunitetit ndërkombëtar, duke theksuar që lëshimi i miliona tonëve ujë të ndotur bërthamor nga Fukushima në det në 30 vjetët e ardhshëm do të thotë që ta trajtosh Oqeanin Paqësor si një “kanal ujërash të zeza”.