Këshilli i Prokurorëve Publikë në seancën e sotme të 90-të njëzëri e shkarkoi Villma Ruskoskën nga funksioni i prokurores publike në Prokurorinë për Ndjekjen e Krimit të Organizuar dhe Korrupsionit.
Këshilli fillimisht njëzëri e refuzoi si të pabazuar ankesën e Ruskovskës lidhur me propozimin për shkarkimin e saj, e më pas njëzëri e miratoi edhe propozimin e Komisionit për përcaktimin e përgjegjësisë disiplinore për shkarkimin e saj.
Kryetarja e Këshillit të PP-së Dushica Dimitrieska, pas seancës në një deklaratë për mediat, tha se shkarkimi i Ruskoskës është për shkak të shkeljes së rëndë disiplinore, ndërsa veprimet të cilat i ka ndërmarrë do të përshkruhen në detaje në vendimin me shkrim, i cili do të shpallet publikisht.
“Vendimi i përgatitur me shkrim do të publikohet në faqen e Këshillit të PP-së dhe do të mund detajisht të njiheni me të”, tha Dimitrieska.