Këshilli i Përgjithshëm i LDK-së voton për kandidimin e Hotit për kryeministër

TË FUNDIT

Këshilli i Përgjithshëm i LDK-së ka votuar për kandidaturën e Avdullah Hotit për kryeministër të Qeverisë së re. Këtë e ka bërë të ditur lideri i LDK-së, Isa Mustafa, teksa ka falënderuar anëtarët e këtij këshilli. Mustafa ka njoftuar se nga 124 anëtarë të Këshillit të Përgjithshëm janë përgjigjur 117, 115 prej tyre kanë votuar për kurse dy janë shprehur kundër. “Në bazë të kësaj, si kryetar i LDK-së konstatoj se Këshilli i Përgjithshëm i Lidhjes Demokratike të Kosovës vendosi që Avdullah Hoti ta përcaktojë kandidat për kryeministër të Republikës së Kosovës”, thuhet në letrën e Mustafës.