Në qytetin e Kërçovës sot shfrytëzuesit e ujit të pijshëm kryesisht në qendër të qytetit prej orës 8 deri në orën 14 do të jenë pa ujë të pijshëm, informojnë nga NPK “Komunalec” që menaxhon me furnizimin me ujë në këtë komunë.
Ndërprerjet do të jenë në bulevardin “Çlirimi” edhe atë në pjesën nga qarkorja e autostradës Ohër – Shkup deri te qarkorja te pompa e benzinës “Pucko Petrol”, pastaj rrugët “11 Shtatori”, “4 Korriku” dhe rruga “11 Dhjetori”.
“Kjo ndërprerje do të jetë për shkak të mënjanimit të një defekti të madh në njërin prej valvuleve të gypit kryesor në këtë pjesë të qytetit”, sqarojnë nga NPK “Komunalec”.