Kë do të qëllojë Apasiev? E Majta: Me Zaevin nuk bisedojmë

Partia E Majta për herë të parë po hyn në Kuvend.

Qytetarët kësaj partie i dhanë dy mandate.

Mbrëmë kryetari i kësaj partie Dimitar Apasiev, në Facebook-un e tij shkroi një frazë sa kërcënuese aq edhe refuzuese për të gjithë.

 “Kot na lëpiheni, do ju qëllojmë të gjithëve”

E për kë e pat fjalën e pyetëm sot në konferencën e tij të parë pas zgjedhjeve.

Apasiev u duk pak i hutuar në dhënien e përgjigjes. Ai nuk preferoi të japë më shumë detaje se për kë e ka fjalën kur thotë “të gjithë”.

Kot na lëpiheni, do ju qëllojmë të gjithëve! Kë do të qëlloni?

Dimitar Apasiev: “Të gjithë”

Kush janë të gjithë?

Dimitar Apasiev: “Konkludoni vetë”. “Mirë nuk e di as unë, të gjithë”.

E me këndë mund të koalicionojë partia e majta me këtë gjuhë kërcënuese që po u drejtohet të gjithëve.

 “Tani për tani nuk kemi asnjë kontakt me asnjë parti, një herë duhet të jepet mandati mandej mandatari të na ftojë për bisedime, por në krye me LSDM-në nuk kemi çfarë të bisedojmë.  Jo me Zaevin nuk kamë çfarë të bisedoj”, tha Dimitar Apasiev, kryetar i Partisë Levica.

Apasiev dyshon se partia e tij është dëmtuar më së paku 10 mijë vota.

Nga kjo parti thanë se do të dërgojnë edhe padi penale ndaj anëtarëve të Komisionit Shtetëror Zgjedhor.