Katër zjarre ende aktive, gjashtë nën kontroll

Deri në mesditë, në vend janë regjistruar gjithsej 14 zjarre në hapësira të hapura. Nga Drejtoria për Mbrojtje dhe Shpëtim kumtojnë se 4 prej tyre mbeten aktive – në komunën e Dojranit afër fshatit Nikoliç, ku digjet pyll me drurë të ulët, në komunën e Çashkës nën Solunska Glava ku ka tym në një zonë shkëmbore pa flakë të dukshme, njoftojnë autoritet. Po ashtu, në Kumanovë në vendin Preovcë me djegie të vegjetacionit të ulët, si dhe në Nagoriçan të Vjetër në fshatin Rugincë.

“Gjashtë zjarre janë vënë nën kontroll. Dy janë lokalizuar – në komunën e Prilepit afër fshatit Beshishte dhe në komunën e Shën Nikollës afër fshatit Delisincë, ku u përfshi vegjetacion i ulët dhe një shtëpi e vjetër e braktisur. Në orët e kaluara janë shuar plotësisht dy zjarre – në Çuçer Sandevë afër kishës Shën Trinia dhe në Makedonski Brod afër fshatit Belicë”, thonë nga Drejtoria për Mbrojtje dhe Shpëtim.

Duke iu referuar hartës që tregon indeksin meteorologjik të rrezikut nga zjarri, nga QMK thotë se përveç pjesës qendrore të vendit, pjesa tjetër e territorit të shtetit është nën rrezik të lartë zjarresh, dhe ka një rrezik të ulët në zonat përreth maleve të Sharrit dhe rajoneve të tjera më pak të rrezikuara. Pjesa qendrore e vendit dhe zona përreth qytetit të Kumanovës janë nën një rrezik shumë të lartë zjarresh – informon QMK, duke publikuar harta mbi të cilat janë zbuluar pika të nxehta në vend që përballen me një shpërthim të mundshëm zjarresh.

“Indeksi meteorologjik i rrezikut nga zjarri llogaritet në bazë të të dhënave nga stacionet automatike meteorologjike të Drejtorisë Hidrometeorologjike, dhe përfshin parametra të tillë si temperatura e ajrit, lagështia relative, shpejtësia dhe drejtimi i erës. Gjithsej dy pika të nxehta janë zbuluar në afërsi të fshatit Nikoliç, në komunën e Dojranit. Qendra e Operacioneve në Detyrë e QMK-së konfirmoi shfaqjen e zjarreve në ajër të hapur në këto vende”, thonë nga Qendra për Menaxhim me Kriza.

Duke publikuar hartën me pikat e nxehta, nga QMK thotë se ato zbulohen automatikisht nëpërmjet sensorëve satelitorë dhe tregojnë zjarre të mundshme aktive ose burime nxehtësie në territor. Harta tjetër i referohet gjendjes së thatësisë së bimësisë, e cila, siç thotë QMK-ja, matet nëpërmjet të dhënave satelitore nga Sistemi i Informacionit për Zjarret i NASA-s për Menaxhimin e Burimeve. E kuqja në hartë tregon zonat me thatësi të lartë të bimësisë – në zonat më të larta malore, duke treguar ndjeshmëri të lartë të bimësisë dhe potencial për zjarre. E verdha tregon thatësi mesatare të bimësisë, dhe thatësi e ulët tregohet nga jeshile – në zonat më të ulëta, ku rreziku i zjarreve është më i ulët.