Karikatura të Zoran Zaevit, Bujar Osmanit, Nikolla Dimtrovit e Vllado Buçkovskit vendosi sot VMRO-DPMNE para objektit të Qeverisë. Anëtari i VMRO-DPMNE-së Aleksandar Pandov deklaroi se këta funksionarë janë dalltonist të cilët nuk guxojnë të vendosin për ndryshimin e identitetit maqedonas.
“Nuk ka asnjë vend tjetër në botë në të cilin kryeministri në një mënyrë joshpërfilëse dhe kaq lakonike heq dorë nga identiteti për të cilin mijëra maqedonas luftuan dhe dhanë jetën e tyre. Zoran Zaev ishte ai që garantoi se mbiemri “maqedonas” është i garantuar për qeverinë maqedonase, gjuhën maqedonase, dhe historinë maqedonase. Dje zbuluam se Zoran Zaev mbiemrin “maqedonas” e ka vendosur në tryezë në negociatat me Bullgarinë”, theksoi Aleksandar Pandov nga VMRO-DPMNE.
Socialdemokratët akuzuan VMRO-DPMNE-në se është një parti anti-shtetërore, anti-evropiane, e cila përhap gënjeshtra dhe dezinformata, të cilat dëmtojnë përpjekjet për integrimin euro-atlantik të vendit.
“Vetëm në javën e fundit Mickoski dhe VMRO-DPMNE-ја shpërndajnë lajme të rreme dhe teza të rrezikshme të cilat nxisin urrejtje dhe ndarjen e shoqërisë. Mickoski edhe publikisht thoshte se ka informacione që në Sofje po coptohet shteti jonë, por prej atij momenti ik dhe nuk përgjigjet se kush ia ka dhënë informacionin dhe për çfarë qëllimi”, deklaroi Bogdanka Kuzevska nga LSDM.
Ndryshe kryetari i Bashkimit Demokratik për Integrim, Ali Ahmeti disa herë ka deklaruar se beson në zgjidhjen e kontestit midis Maqedonisë së Veriut dhe Bullgarisë dhe pret që Bullgaria t’i tejkalojë temat e ndjeshme. Ai vlerson se me interes të madh është që të mos e humbasim hapin për anëtarësim në Bashkimin Evropian.