Junker: Sërish lejuam konflikt mes anëtarëve veriorë dhe jugorë

Ish-kryetari i KE-së, Zhan Klod Junker u shpreh për solidaritetin pamjaftueshëm mes anëtarëve veriorë dhe jugorë të BE-së në krizën e shkaktuar nga epidemia e koronavirusit.

“Tani pa asnjë nevojë lejuam sërish të shpërthejë konflikt mes Veriut dhe Jugut. Asgjë nuk kemi mësuar”, ka thënë Junker për Politiko.

Ai vlerësoi se mënyra në të cilën ministri holandez i Financave, Volke Koestra u shpreh ndaj Italisë “sërish e ngjallë konfliktin mes veriut dhe jugut” duke aluduar në thirrjen e tij që BE-ja të kontrollojë pse disa vende nuk kanë mjete financiare që më mirë të luftojnë me goditjen ekonomike.

Junker nuk deshi të spekulojë nëse madhësia e pakos ekonomike në krizën të cilën e dakorduan ministrat e financave të BE-së është adekuate, duke thënë se dëshiron të presë të “ulet pluhuri”.

Ai thotë se pret buxhet shumë më të madh të BE-së për periudhën e vitit 2021-2027 kush do të ishte instrumenti real për krizën ekonomike.

Junker shton edhe se nuk është kundër idesë për korona-obligacione, instrument i përbashkët për huamarrje të cilën do ta garantonin të gjitha anëtaret e BE-së, por se nuk është përgjigje e krizës aktuale sepse do të kalonin muaj deri në përdorimin e tyre.

Në të njëjtën kohë, Junker, e kritikoi reagimin e dobët të Brukselit në vendimin e parlamentit të Hungarisë që t’i lejojë Qeverisë së kryeministrit Viktor Orban që të qeverisë me dekret pa kufizim të përkohshëm.

“Kur bëhet fjalë për standardet për qeverisjen e të drejtës, me rëndësi është të drejtoheni me gjuhë të hapur dhe të qartë”, konkludoi Junker./MIA