Ish presidentja kroate shkon në Katar, dëshiron t’i sjellë sërish fat Modriçit me shokë

TË FUNDIT

Ish presidentja kroate, Kolinda Grabar-Kitaroviç u bë edhe më e famshme në kupën botërore katër vite më parë në Botërorin “Rusi 2018”. Ajo njihet në fusha përtej politikës ndërkombëtare. Midis viteve 2015 dhe 2020, ajo ishte Presidente e Republikës Kroate, gruaja e parë që mbajti atë post. Mandati i saj përkoi me Kupën e Botës në Rusi, ku Kroacia arriti në finale.

Prania e saj në stadiume nuk kaloi pa u vënë re. E përzier me tifozët dhe duke përshtatur gjithmonë veshjet me ngjyrat e flamurit kombëtar. Tani, ajo dëshiron t’i sjellë sërish fat Modriçit me shokë. Kolinda Grabar-Kitaroviç ndodhet në Doha prej disa ditësh për të ndjekur djemtë kroatë, kësaj here si tifoze e thjeshtë dhe jo si Presidente e vendit.

Për ndeshjen ndaj Kanadasë, ajo u shfaq në tribunën VIP e veshur me kostumin tipik popullor të Posavinës. Pas ndeshjes, premtoi se do të kthehej në Katar më 16 dhjetor, në prag të finales së Botërorit, me një valixhe plot me veshje me ngjyrat kroate.

error: Content is protected !!