Interpelancat dhe mocionet s’e frikësojnë Qeverinë! Thërrasin për konstruktivitet në kohë pandemie dhe prag negociatash

TË FUNDIT

Thellohet bilanci tragjik i tërmetit në Indonezi, numri i viktimave shkon në 67

Të patën 67 persona kanë humbur jetën dhe qindra u lënduan kur një tërmet i fuqishëm ndodhi në ishullin...

Kosovë, Avdullah Hoti kërkon debat publik me kundërshtarët

Kryeministri në detyrë Avdullah Hoti, i cili edhe është i nominuar për kryeministër nga LDK në zjgedhjet e 14...

Hoti: Vjosa Osmani dje ka mbyllur të ardhmen e saj politike

Kandidati për kryeminister nga radhët e LDK-së, Avdullah Hoti në emsionin “Argument Plus” në RTV21 komentoi edhe vendimn e...

Britania mbyll të gjitha korridoret e udhëtimit

Mbretëria e Bashkuar do të mbyllë të gjitha korridoret e udhëtimit nga e hëna në mëngjes për të “mbrojtur...

I dashuri turk i Genta Ismajlit bën tatuazh në trup shqiponjën

Një ndër çiftet më të komentuara është Genta Ismajli dhe Huseyin Usta. Që prej momentin që ata e bënë publike...

Pushtetin nuk e frikësojnë as interpelancat e as mocionet e mosbesimit, por nga ana tjetër kërkojnë konstruktivitet prej opozitës, që të kenë parasysh se jemi në kohë pandemie, e nga ana tjetër duhet të hapen edhe negociatat eurointegruese.

Zëvendëskryeministri i parë, Artan Grubi, i pyetur për interpelancën eventuale ndaj tij dhe Ministrit të Jashtëm, tha se nuk ka frikë nga gjëra të tilla, por nga mungesa e ideve të opozitës.

 “Opozita është pa ide dhe gjen çfarëdolloj arsyesh që t’i ikë përgjegjësisë për humbjet e njëpasnjëshme, e katërta për opozitën maqedonase dhe e gjashta për opozitën shqiptare. Interpelanca gjithsesi se është e drejtë e tyre, mund të ngrisin në Kuvend dhe nëse kanë 61 vota do të kenë sukses, dyshoj se do të kenë sukses”, deklaroi Artan Grubi – zëvendëskryeministër i parë.

Edhe ministrja e Mbrojtjes, Radmilla Shekerinska, dyshon në suksesin e opozitës për mocion mosbesimi ndaj qeverisë.

 “Për nismat për mocion, le të urdhërojnë, mendoj se kjo më shumë do të flasë për dobësinë e tyre sesa për fuqinë e tyre dhe do të tregojë se të gjitha iniciativat janë pengesë në kohën më të vështirë, të bllokohen institucionet në krizën më të madhe, kjo tregon se beteja e vetme që udhëheqin është se si t’i ruajnë kolltukët e veta partiake e jo si ta ndihmojnë shtetin”, u shpreh Radmilla Shekerinska – Ministre e Mbrojtjes.

Ditë më parë, duke folur në Click Plus në TV21, kreu i  VMRO-DPMNE-së, Hristian Mickoski, paralajmëroi se në Kuvend do të dorëzojnë mocion mosbesimi të Qeverisë.

 “Vlerësoj se të gjitha këto dështime që ndodhin në skenën politike të Maqedonisë, e të cilat janë rezultat i injorancës dhe mospunimit, apo kapaciteteve të kufizuara të personave përgjegjës, duhet të kulmojnë me një procedurë në Kuvend ku VMRO-DPMNE-ja bashkë me mbështetjen e partive të tjera opozitare, pas këtyre 100 ditëve do të kërkoj një debat për besim të Qeverisë”, tha Hristijan Mickoski – kryetar i VMRO-DPMNE-së.

Tema e interpelancës, ose edhe deri tek shkuarja në mocion mosbesimi, ka nisur që kur vendi dështoi në nisjen e negociatave anëtarësuese, sepse Bullgaria vuri veto për shkak të kontesteve historike mes dy vendeve. Opozita, si ajo shqiptare po ashtu edhe maqedonase u deklaruan se bëhen bashkë për interpelancë ndaj Zaevit, Osmanit e Dimitrovit, por intervista e fundit e kryeministrit Zaev për mediat bullgare, e ka bërë opozitën maqedonase që të paralajmërojë mocion mosbesimi. Mickoski madje është shprehur se Zaev i rrënoi pozitat negociuese dhe nuk ka më kthim prapa.

TË NGJAJSHME