Hulumtimi i realizuar nga Universiteti amerikan në Uanderbilt ka treguar se mbajtja e maskave e zvogëlon shkallën e vdekshmërisë nga virusi në disa zona për të paktën dy herë.
Në fazat e hershme të pandemisë kishte mungesë kërkimesh që do t’i konfirmonte përfitimet e mbajtjes së maskave te popullata në të cilën ndryshimi i vetëm në mostër do të ishte se një pjesë e popullsisë së një vendi me një popullsi të ngjashme, kulturë dhe zakone të ngjashme mban maska, ndërsa pjesa tjetër nuk mban.
Një studim i tillë u krye më në fund këto ditë dhe u botua të martën nga shkencëtarët nga Universiteti në Uanderbilt. Ata zbuluan se qarqet në shtetin federal Tenest, të cilat nuk vendosën mbajtje të detyrueshme të maskës, kishin të paktën dy herë më shumë vdekje sesa ato që kërkojnë mbulimin e fytyrës.
Aktualisht, në zonat pa detyrimin për të mbajtur maska, regjistrohen më shumë se katër vdekje për 100.000 njerëz çdo javë, ndërsa në zonat që e miratuan këtë rregull gjatë verës, shkalla e vdekshmërisë është rreth dy persona në javë.
Në zonat që herët pranuan mbajtjen e detyrueshme të maskës para përhapjes së epidemisë, në korrik dhe gusht, shkalla e vdekshmërisë është afër një person për 100.000 njerëz në javë. Për shembull, Nesuill, i cili e vendosi detyrimin në fund të qershorit, ka regjistruar 53 vdekje në 100.000 njerëz që nga marsi. Nga ana tjetër, qarku Klej, ku nuk ka asnjë detyrim për të mbajtur maska, i regjistroi 223 vdekje në 100.000 njerëz që nga fillimi i pandemisë, niveli më i keq i vdekjeve në shtet.