Gati një në katër persona mund të mos pranoj vaksinën kundër Covid-19 deri të paktën vitin 2022 sepse vendet e pasura me më pak se 15 për qind të popullsisë së botës kanë rezervuar 51 për qind të dozave më të sigurta të vaksinave, kumtuan studiuesit në Shkollën e Shëndetit Publik “Xhon Hopkins” në SHBA.
Kjo do të nënkuptojë se pjesa tjetër e vaksinës do të duhet të “ndahet” nga vendet me të ardhura të ulëta dhe të mesme, në të cilat strehohen më shumë se 85 për qind e popullsisë së botës, thanë studiuesit. Sipas tyre, një përgjigje efektive pandemike kërkon që vendet me të ardhura të larta të marrin pjesë në shpërndarjen e drejtë të vaksinave në të gjithë botën.
“Pasiguria në lidhje me qasjen globale në vaksinat për Covid-19 monitorohet jo vetëm gjatë provave klinike, por edhe nga dështimi i qeverive dhe prodhuesve të vaksinave për të qenë më transparent dhe të përgjegjshëm ndaj këtyre rregullimeve”, thanë studiuesit.
Hulumtimi gjithashtu zbuloi se që nga 15 nëntori, vendet me të ardhura të larta kishin porositur gati 7,5 miliardë doza vaksinash nga 13 prodhues, përfshirë Japoninë, Australinë dhe Kanadanë, të cilat së bashku kanë më shumë se një miliard doza, por përbëjnë më pak se 1 për qind të rasteve të reja të tanishme të Kovid-19.
Edhe nëse vaksinat nga prodhuesit kryesorë arrijnë kapacitetin maksimal të parashikuar të prodhimit, pothuajse 25 për qind e popullsisë së botës nuk mund të pranojnë vaksinën për një vit ose më shumë. Studiuesit e “Xhon Hopkins” gjithashtu besojnë se Kovaks, si një institucion i OBSH-së, mund të luajë një rol kryesor në sigurimin e qasjes më të drejtë në vaksinat e aprovuara, edhe pse siguroi vetëm 500 milion doza ose shumë më poshtë se synimi për të dhënë të paktën 2 miliardë doza deri në fund të vitit 2021.