Shumica e deputetëve në Kuvend i dhanë dritë jeshile propozimit të Qeverisë së udhëhequr nga Hristijan Mickoski. Pas votimit të sonte, ai është kryeministër i ri i Maqedonisë dhe gjatë betimit solemn në legjislativ e shqiptoi emrin kushtetues të shtetit të Maqedonisë së Veriut.
Hristijan Mickoski është kryeministri i 13-të dhe kjo është qeveria e 20-të që nga pavarësia e vendit.
Pas rezultateve të zgjedhjeve të 8 majit, kreu i VMRO-DPMNE-së zgjodhi koalicionin VLEN dhe lëvizjen ZNAM si partnerë të qeverisë.
Qeveria e re do të ketë 4 ministri më shumë se ajo aktuale. Qeveria e “Mickoskit” do të ketë 5 zëvendëskryeministra, njëri prej të cilëve do të jetë zëvendëskryeministër i parë. VMRO-DPMNE do të udhëheqë me 15 departamente, 6 ministri janë të VLEN-it dhe 2 të ZNAM-it.