Maqedonia dhe Shqipëria kanë merituar që të fillojnë negociatat aderuese me BE, porositi kryeministri kroat, Andrej Pllenkoviq. Ai dha mbështetje të plotë të Kroacisë për zgjerimin e Unionit me vendet e Ballkanit Perëndimorë.
“Është e rëndësishme që të vazhdojë procesi i negociatave, të vijmë në situatë që sa më shpejtë të hapen negociatat aderuese edhe me Maqedoninë e Veriut dhe Shqipërinë. Vlerësojmë se këto dy vende e kanë merituar dhe ne e mbështesim këtë rrugë. Kroacia është një nga ato vendet që e mbështet zgjerimin e BE, e cila është anëtarja e fundit që hyri në BE dhe me këtë përvojë dhe me bindje të plotë thotë se kjo është rruga e vetme për zhvillim të fqinjëve tanë, këtë gjë sot do ta përsërisim fuqishëm”, tha Andrej Plenkoviq – kryeministër i Kroacisë.
Kancelari austriak Sebastijan Kurc, porositi se vendet e Ballkanit Perëndimor i kemi të afërta, jo vetëm historikisht dhe gjeografikisht, por edhe ekonomikisht.
“Nëse BE nuk u ofron një perspektivë të qartë këtyre vendeve, atëherë duhet ta kemi të qartë se superfuqitë e tjera si Kina, Rusia dhe Turqia do të luajnë rol ende më të madh. Ky rajon nga aspekti gjeografik i takon Evropës dhe ka nevojë për perspektivë evropiane”, u shpreh Sebastian Kurc – kancelar i Austrisë.
Edhe pse Holanda vlen për një vend i cili nuk është “pro” zgjerimit, megjithatë kryeministri holandez Mark Rute thotë se nuk është i kënaqur nga fakti që Bullgaria e bllokon Maqedoninë në rrugën e saj drejt BE-së. Këtë e deklaroi para fillimit të Samitit për Ballkan Perëndimor në Bërdo të Kranjit.
“Mendoj se duhet të priten zgjedhjet në Bullgarinë. Unë me të vërtetë nuk jam i lumtur me faktin se negociatat aderuese me Maqedoninë e Veriut ende janë të bllokuara. Mendoj se duhet sa më shpejt që është e mundur të zhbllokohen. Shpresoj se kjo do të ndodhë pas zgjedhjeve në Bullgarinë dhe ne do të bëjmë gjithçka që mundemi që kjo gjë të ndodhë”, shtoi Mark Rutte – kryeministër i Holandës.
Për rëndësinë e pranimit të Ballkanit perëndimor në BE-në, foli kryeministri i Sllovakisë, Eduard Heger.
“Ballkani Perëndimor është shumë i rëndësishëm për zgjerimin e BE-së dhe unë mendoj se fakti që janë siguruar 9 miliardë, 7 këtë vit, plus edhe dy, është tregues se kjo pjesë është shumë e rëndësishme për Evropë dhe është e rëndësishme që të vazhdojmë në këtë drejtim”, theksoi Eduard Heger – kryeministër i Sllovakisë.
Samiti i dedikuar Ballkanit Perëndimor mbahet pasi paraprakisht Sllovenia e cila është kryesuese me Unionin deri në dhjetor të këtij viti, drejtpërsëdrejti kërkoi nga BE-ja që vende e rajonit të pranohen deri në vitin 2030.