Harden braktis Hjustonin, shkon në Bruklin

Basketbollisti më i mirë i Hjustonit, Xhejms Harden, karrierën do ta vazhdojë në Bruklin. Sipas NBA insajderit, Shems Harania, klubet ranë dakord për tranferin e amerikanit 31 vjeçar.

Indiana dhe Klivlend gjithashtu janë përfshirë në marrëveshje, e cila përmban shumë këmbime dhe të drejta të përzgjedhjes në draft.

Ylli i Golden Stejt, Stef Kari, për transferin e Hardenit nga Hjustoni në Bruklin tha se është “një moment i çmendur”.

“Duke i pasur parasysh ndryshimet që kanë ndodhur në 4-6 vitet e fundit, vështirë është të befasohesh në çfarë do gjëje në këtë ligë, por ajo që ka ndodhur tani është ‘një moment i çmendur’. Baraspesha e forcave në ligë menjëherë ka ndryshuar. Paraprakisht, Kevin Durent ka luajtur në ekipin tonë, ndërsa tani do të luajë së bashku me Kajri Irving dhe Harden. Do të jetë interesante t’i shihni së bashku”, theksoi Kari.