Hapen 17 km të reja të autostradës Kërçovë – Ohër

Sot është vendosur në funksion edhe segmenti i ri prej rreth 17 kilometrash të autostradës Kërçovë – Ohër, njofton TV21.

Në ngjarjen e lëshimit u njoftua se janë përfunduar punimet në dy segmente: pjesë nga nënsegmenti 4 (Klimeshtani – Trebenishta) dhe i gjithë nënsegmenti 5 (Trebenishta – Ohër), me një gjatësi totale prej rreth 17 kilometrash.

Autostrada ka një gjerësi totale prej 26.5 metrash dhe përmban të gjitha elementet konstruktive të nevojshme për autostradë.

Gjatë ndërtimit të këtyre nënsegmenteve janë realizuar: një urë, 10 mure mbajtëse, pesë nyje rrugore me ndriçim (Botun, Trebenishta me lidhje për rrugën shtetërore A3, Aeroporti Shën Apostol Pavle, Podmolje, Shën Erasmo), katër mbikalime, 15 nënkalime, 80 kanalizime të tabakëve dhe tubave, dy rrugë paralele me lidhje me objektet ekzistuese, dy lidhje të tjera me objektet ekzistuese dhe një devijim i rrugës lokale për fshatin Klimeshtani.