Kjo është rruga “Pero Toshev” në lagjen Seravë të Komunës së Çairit. Banorët e saj ankohen se asnjë ditë nuk mund të kalojnë pa i përlyer këpucët me baltë a pluhur. Punët kanë nisur para një viti dhe ende nuk janë përmbyllur.
-Na mbyti balta, na mbyti pluhuri, kjo është e pakuptueshme.
-Më herët si ka qenë?
-Po asnjëherë nuk ka qenë mirë e gjitha me gropa duke gropuar.
-Sa e keni të vështirë të kaloni çdo ditë këtej?
-Vështirë të kalojmë sepse tjetër gjë jo.
-Kur bie shi?
-Bëhet këtu si pishinë, mblidhet uji si liqe. Kemi mall njëherë me këpucë të pastra të ecim
-Besoj një vit është bërë.
-Më herët si ka qenë rruga?
-Po të paktën ka qenë e asfaltuar.
-Si kalon me veturë?
-Shumë problem sidomos kur bie shi apo tani dimrit që do bjerë borë, edhe më problem!
-Sa ka kohë i ka ndërprerë punimet komuna?
-Prej që u prish koha 1 javë e gjysmë punëtorët nuk janë parë.
-Pa punuar nuk bëhet asgjë, këtë e kemi kërkuar 60-70 vjet.
-Domethënë asnjëherë nuk ka qenë e rregulluar?
-Jo, jo asnjëherë.
-Pa inxhinier, pa mbikëqyrje, kush si ka dashur ka punuar dhe gjithkujt që kanë dashur i kanë marrë të holla, a dëshiron të lidhesh (bashkëpunosh)? Po, kaq të holla. Nuk është në rregull kjo, dikush i ka paguar por më dhimbset ai që i ka dhënë ato të holla për këtë rrugë.
Nga Komuna e Çairit thonë se punimet janë ndalur shkaku i motit dhe se së shpejti mund të rinisin.
“Për momentin ekipet e punës janë në terren në Lagjen Seravë dhe po punojnë në përgatitjen e rrugëve për asfaltim, gjë që ishte anulua për disa ditë shkaku i kushteve klimatike. Shpresojmë se kushtet klimatike të jenë të volitshme dhe në ditët në vijim të bëjmë asfaltimin”, thonë nga komuna e Çairit.
Para një viti në këtë lagje kishte filluar instalimi i rrjetit ujësjellësit dhe kanalizimit, e më pas duhej të vazhdonte asfaltimi i rrugës, por edhe pse ka kaluar një kohë, punimet ende nuk kanë përfunduar tërësisht.