Gucati më 1 tetor para Speciales

TË FUNDIT

Më 1 tetor, me fillim prej orës 15:00 kryetari i Organizatës së Veteranëve të Luftës së Ushtrisë Çlirimtare të Kosovës, Hysni Gucati, do të paraqitet në sallën e gjyqit të Dhomave të Specializuara të Kosovës në Hagë.

Lajmi është bërë i ditur nga Dhomat e Specializuara të Kosovës.

Hysni Gucati ishte arrestuar më 25 shtator në zyrat e OVL-së në Prishtinë. Për të ishte lëshuar fletarrestim për veprat penale kundër administrimit të drejtësisë, përkatësisht frikësim të dëshmitarëve, hakmarrje e shkelje të fshehtësisë së procedurës.

Në të njëjtën ditë me Gucatin ishte arrestuar edhe Nasim Haradinaj, nënkryetar i OVL-së. Haradinaj do të paraqitet sot nga ora 15:00 para kësaj gjykate./21Media