Ky është fshati Grushinë i komunës së Haraçinës.
Ujësjellës ka të instaluar, por rezervuari të cilin dikur para 20 vjetëve ua kishte ndërtuar KFORI, është prishur dhe se ai ujë më nuk mund të pihej.
Me që komuna nuk ka marrë masa, banorët e fshatit me vetiniciativë kanë mbledhur të holla dhe kanë angazhuar punëtorë për ta rregulluar rezervuarin,
i cili kishte 10 vjet afat për përdorim.
Banor: “12.500 euro”.
TV21: I keni mbledhur vet banorët të hollat?
Banor: “Po po vetë fshati. Kjo ishte prej kur e patë ndërtuar KFORI, ajo ka qenë me teneqe nuk ka pas beton, teneqja u prish qe 20 vjet ka ajo punë dhe ujë krejt shkonte nëpër arra. Faleminderit katundarëve që kanë ndihmuar.
Nuk janë mbledhur të gjithë të hollat edhe pak duhet.
Komuna hiq, komuna nuk na ka ndihmuar as edhe një shajkë me e vendosur”.
Një banorë tjetër thotë se kjo është turp që nuk u angazhuan ato që janë kompetent për ta rregulluar.
“Kjo për katundin marre, marre është mos me e rregullua”, tha një tjtër banor.
Përmes telefonit tentuam të kontaktojmë me Komunën e Haraçinës, ndërsa dërguam pyetje edhe përmes formës elektronike, por përgjigje nuk morëm.