Me të dal nga shtëpia banorët e lagjes “Mesta” në Serovë të Çairit i pret sfida.
Ka muaj që ky kanal është hapur përmes lagjes, e që kalon afër dyerve të shtëpive. Për të kaluar në anën tjetër janë improvizuar ura të vogla.
Po punohet për rregullimin e instalimit të ujësjellësit të ri, por banorët kërkojnë të punohet më shpejt, meqenëse po rrezikohen fëmijët.
“Ehee moti është kështu, mund të themi afër një muaj ka kështu. Po nuk po punohet kështu bre, nuk e di çfarë është kështu”, tha një banor.
Përmes kësaj rruge ka qytetarë që kalojnë edhe më fëmijë, pasi aty afër gjendjet çerdhja.
“Edhe atje më lartë kanë punuar por atje e kanë mbyllur, po mendoj se po e mbyllin ndal ngadalë. Është rrezik dhe duhet që të përshpejtohet puna këtu”, tha ky banor.
Nga komuna e Çairit thonë se punimet kanë ngecur për shkak të kushteve klimatike.
“Sa i përket punimeve që po zhvillohen për rregullimin e rrjetit të ujësjellësit në rr. Mesta, ju informojmë se 90 % e tyre janë përfunduar por për arsye të kushteve klimatike përfundimi i tërësishëm i procesit të punës me arsye është prolonguar”, deklarohen nga Komuna e Çairit.
Instalimi i ujësjellësit të ri në rrugën “Mesta” nga komuna thonë se ka kushtuar 5.810.240 denarë me TVSH. Ndërsa është nisur edhe procesi i i furnizimit publik edhe për rrugët Kovaçka, Rufat Burxheviq, Solunska dhe Sevastopolska në zonën e lagjes Serava të Çairit.