Grevë e televizioneve lokale dhe rajonale për shkak të trajtimit të pabarabartë nga ana e Qeverisë

Shoqata “Medium objektiv” për nesër paralajmëroi grevë me shkyçje të programit për shkak të trajtimit të pabarabartë të një pjese të televizioneve lokale dhe rajonale.

“Televizionet rajonale dhe lokale që transmetojnë program përmes rrjetit komunikues elektronik, anëtare të Shoqatës ‘Medium Objektiv’ të pakënaqur nga vendimi i Qeverisë së Maqedonisë së Veriut, në seancën e 58 të mbajtur më 30 maj të vitit 2020, e cila i ndau ndihmë financiare pesë televizioneve nacionale dhe gjashtë televizioneve rajonale terestrijale, për kompensim të shpenzimeve për vitin 2020 ndaj operatorit të lejes digjitale terestrijale multipleks për transmetimin për përballjen me krizën, duke filluar nga 3 qershori, fillojnë me grevë”.

Greva ka të bëjë me ndalimin e programit prej orës 19 deri në orën 20, çdo ditë me ekran të zi dhe tekst të shkruar: “Grevë për shkak të trajtimit të pabarabartë të Qeverisë së Republikës së Maqedonisë së Veriut ndaj radiodifuzerëve”. Greva do të zgjas deri te sjellja e Dekretit për ndihmë dhe mbështetje për të gjithë radiodifuzerët, thuhet në kumtesë./TV21