Grevë e punonjësve të arsimit në Greqi

Në prag të debatit të Parlamentit grek dhe votimit të nesërm të ligjit të ri të Ministrisë së Arsimit, me të cilin nuk dakordohen, sindikatat e punonjësve të arsimit në Greqi prej sot në mëngjes kanë filluar grevë 24 orëshe, njofton korrespondentja e MIA-s nga Athina.

Edhe pse dje kishte paralajmërime se shkollat në vend do të mbyllen, megjithatë Ministria e Arsimit të Greqisë sqaroi se mësimi do të zhvillohet normalisht.

Punonjësit e arsimit në Greqi do të kërkojnë që ligji të mos votohet, të hiqet edhe amendamenti për transmetim të drejtpërdrejt të orëve, me ndihmën e kamerave nëpër klasa, kërkojnë mjete shtesë për arsimin nga buxheti shtetëror, por edhe të ndërmerren të gjitha masat e nevojshme shëndetësore për punë të sigurt në shkolla.

Për sot dhe nesër caktuan protesta në qendrën e Athinës, si dhe në disa qytete tjera greke.