Greqi, ministria e Shëndetësisë më nuk do të mbajë konferenca shtypi të përditshme për Covid-19

Më saktë tre muaj  nga paraqitja e rastit të parë pozitiv të Kovid-19 në Greqi, pas zbutjes graduale të masave rrigoroze dhe kthimit gati në “normalitetin e ri”, pas 72 ditëve  brifingje të përditshme të pasdites, Ministria e Shëndetësisë e Greqisë i ndërpret  pres konferencat  përkushtuar koronavirusit të ri, lajmëroi korrespondentja e MIA-s nga Athina.

Më 26 shkurt të vitit 2020 ishte regjistruar rasti i parë me Kovid-19 në Greqi,  ndërsa tre muaj më vonë në vend ka 2.892 të infektuar, vdiqën 173 persona, ndërsa janë bërë 160.991 teste.

Greqia shumë shpejtë ndërmorri masa të ashpra rrigoroze, i mbylli shkollat, dyqanet, kafiteritë, restoranet, ndërsa më pak se një muaj pas rastit të parë  vendosi ndalesë të tërësishme në lëvizje.

Grekët 42 ditë mbetën në shtëpi, ndërsa gjatë karantinës, pres-konferencat në Ministrinë e Shëndetësisë të Greqisë i ka mbajtur  prof.epidemiologu Sotiris  Ciodras, i cili nga fillimi i muajit shkurt  ishte emëruar si shef i komisionit ekspert  dhe përgjegjës për kontaktet  me mediat dhe zëvendësministrin për Mbrojtje civile Nikos Hardalas, kompetent për pjesën operacionale, u bënë pjesë e përditshmërisë së qytetarëve.

Rezultatet e hulumtimit të mendimit publik në Greqi kohëve të fundit treguan se shumica e grekëve rregullisht i kanë ndjekur brifingjet e përditshme.

Në orën 18, çdo ditë, pothuajse të gjitha televizionet greke i kanë transmetuar drejtpërdrejtë pres-konferencat në të cilat  janë treguar të dhënat e reja për Kovid-19, për situatën në vend dhe botë, gjatë masave,  ndërsa Ciodras dhe Hardalas janë përgjigjur edhe në pyetjet e gazetarëve, të dërguara me letër.

“Më nuk jemi në periudhën e karantinës, që të jetë e nevojshme  të mbajmë pres konferenca  çdo pasdite, siç ishte kohëve të fundit. Dhe shpresojmë se asnjëherë më nuk do të paraqitet  kjo nevojë. Nëse fillojmë sërish të mbajmë pres konferenca të përditshme, kjo do të thotë se punët sërish u vështirësuan”, tha zëvendësministri për mbrojtje civile të Greqisë.

Nga 4 maji i vitit 2020, me përfundimin e karantinës në Greqi, filloi edhe zbutja graduale e  masave rrigoroze  e cila vazhdon edhe gjatë qershorit, me hapjen e shkollave fillore dhe kopshteve, hapjen e hoteleve dhe objekteve turistike sezonale, hapjen e kufijve dhe aeroporteve dhe  fillimin e sezonit turistik.

Nga 2.892 persona të infektuar në Greqi, 1.374 janë shëruar, përkatësisht 46.51 për qind nga numri i tërësishëm, ndërsa aktive janë 1.345 raste (46.5 për qind)./MIA